Ein af okkar allra uppáhalds göngum. Að ganga seint að kvöldi í ljósaskiptunum eftir malarveginum upp á topp á Úlfarsfelli. Gott að muna að einstaka sinnum koma bílar eða mótórhjól eftir veginum, en ökumennirnir eru langoftast tillitsamir og fara rólega yfir.

Ef við göngum á jöfnum hraða tekur göngutúrinn kannski 90 mínútur í allt frá bílastæðinum, upp á topp og til baka. Frá toppnum sér maður yfir Mosó, Reykjavík, til Akraness og Snæfellsness og víðar.

Það er oft svolítið kallt og hvasst á toppnum og við stoppum yfirleitt rétt svo til að skrifa í gestabókina ef við munum eftir því. Í þetta skiptið var undarlega lygnt og hlýtt og við nutum þess að staldra við og njóta útsýnisins.