Við stoppuðum á Tálknafirði í nokkra daga á ferðalagi okkar um Vestfirði í sumar, þaðan skruppum við yfir á Suðureyri. Svo þröngur malarvegur liggur að Suðureyri að það eru langir kaflar þar sem tveir bílar gætu ekki mæst. Á Suðureyri var áður hvalvinnslustöð sem er nú í eyði. Suðureyri er ævintýraland fyrir börnin, þar er fullt af leyndum fjársjóðum og hættum (Alvöru hættum eins og lausum múrsteinum og naglaspýtum hálfföldum í grasinu), þau uppgötvuðu alls konar töfra gamlar vélar, hvalabein, skeljar, steinvölur og leynigöng.