Rebe og Eva hjá spænsku barna ljósmynda síðunni „Capturando Momentos“ tóku viðtal við mig um barnaljósmyndirnar mínar. Þær spurðu mig m.a. hvenær og hvernig ég leiddist út í ljósmyndun, hvað hrifi mig við að mynda börn og um lýsinguna í myndunum mínum.

Viðtalið má lesa hér hvort sem er á spænsku eða ensku (Til að lesa ensku útgáfuna þarf að scrolla niður fyrir spænska textann).

Nýlega tók Luís Cerqueira viðtal við mig fyrir „Portfolio Pro“ grúppuna á flickr. Portfolio Pro grúppan býður upp á keppnir, er með viðtöl og gagnrýni.

Ég svaraði spurningum um vinnulag mitt, Lensbaby linsuna, barnaljósmyndun og ýmislegt fleira, það má lesa viðtalið hér.

Umfjöllun um ljósmyndirnar mínar. Til að lesa umfjöllunina er hægt að hægri klikka yfir myndinni, velja ‘view image’ og þá á að birtast stækkunargler sem er hægt að nota til að sjá textann betur.

Hér að ofan er stytt og eilítið hröðuð útgáfa af myndaröðinni Leikur ljóss og lita sem að ég sýndi á sýningunni Andans konur í Listasafni Árnesinga sumarið 2009. Ljósmyndunum var varpað á vegg með skjávarpa og spilaðar í lúppu. Ég hafði kontrastinn vel sterkan eins og sést, til að draga myndirnar betur fram en ekki var hægt að gera herbergið alveg dimmt.

Hér fyrir neðan má svo sjá nokkrar myndir frá sýningunni. Eldri póstur með frekari upplýsingum um sýninguna er HÉR.

Ljósmyndaröð frá Skálholti eftir undirritaða – tilraun til að fanga ljós og liti, stemmninguna sem verk Gerðar Helgadóttur og Nínu Tryggvadóttur skapa þar – verður sýnd í Listasafni Árnesinga í Hveragerði í júlí-september á sýningunni “Andans konur” sem er helguð verkum þessara tveggja listakvenna. Tekið úr fréttatilkynningu:

“Opnun sýningarinnar ANDANS KONUR: Gerður Helgadóttir, Nína Tryggvadóttir, París-Skálholt.
Að auki er myndasýning á nýjum ljósmyndum úr Skálholti eftir Salbjörgu Ritu Jónsdóttur.
Sýningarstjóri er Ásdís Ólafsdóttir.
Sýningin er opin alla daga kl. 12-18, aðgangur ókeypis.”

Nokkrar ljósmynda minna voru valdar á flickr sýningu Ljósmyndasafns Reykjavíkur sem stóð frá desember 2007 til febrúar 2008. Það má lesa um sýninguna á síðu safnsins, hér. Hér að ofan má sjá myndirnar.