Litli markmaðurinn stóð sig vel eins og liðið allt.

Aldrei hefði mig grunað fyrir nokkrum árum að eiga eftir að eyða heilli helgi á fótboltamóti og hafa þar að auki gaman að því! En lífið er fótbolti þessa dagana því eldri strákurinn æfir með 7.flokk Víkings og nú þegar sumarið er komið er fótbolta þetta og fótbolta hitt nánast daglegt brauð. Helginni á Akranesi var eytt í fótboltaspil og áhorf í blíðskaparveðri, liðið okkar spilaði oftast held ég hljóti að vera á einum fallegasta fótboltavelli á landinu með útsýni yfir glampandi hafflötinn og fjallasýn.

Gífurlegur fjöldi fólks var á svæðinu, 3000 strákar heyrði ég fleygt og fólkið sem þeim fylgir og ótrúlegt hversu vel allt gekk. Ég dáist ítrekað að því hvað það barnastarf sem ég hef kynnst í gegnum syni mína hjá leikskólum, skólum og íþróttafélögum er almennt vel skipulagt. Hér fylgja nokkrar myndir frá skemmtilegri helgi af fótbolta og dægradvöl á Akranesi.

Fróða leiddist ekki. Enginn veit hvað hann fór margar ferðir í hoppukastalana á meðan bróðir hans var að spila.

Það þurfti ekki að láta sér leiðast á meðan beðið var eftir að leikir dagsins byrjuðu. Á Langasandi beint fyrir neðan fótboltavellina.

Glói sýndi nýja og gamla takta.

Þessar nokkru mínútur sem sólin skein ekki voru svona: